کراچی میں شدید گرمی کی پیش گوئی، احتیاطی تدابیر اختیار کرنے کی ہدایات جاری کردی ہیں۔
رپورٹ کے مطابق محکمہ صحت نے خبر دار کیا ہے کہ کراچی میں 30 مارچ کے بعد سے شدید گرمی کی لہر آنے والی ہے، یہ ہیٹ ویو شہریوں کو شدید متاثر کر سکتی ہے تاہم احتیاطی تدابیر اختیار کرنے کی ہدایات بھی جاری کر دی گئی ہیں۔
جاری کردہ ہدایات کے مطابق محکمہ موسمیات نے شہریوں کو تنبیہ کی ہے کہ ہیٹ ویو کے دوران شہری صبح 11 بجے سے شام پانچ بجے تک باہر نکلنے سے گریز کریں اور ایسی غذائیں استعمال کریں جو جسم میں پانی کی کمی کو پورا کر سکیں۔
اگر ضرورت کے تحت گھر سے باہر نکلنا ہو تو سر ڈھانپ کر نکلیں اور خصوصی طور پر بچوں کو تپتی گرمی سے ہر صورت محفوظ رکھیں۔