بلوچستان کے علاقے ژوب میں بس کھائی میں مسافر کوچ گہری کھائی میں گرنے سے خوفناک حادثہ پیش آیا، جس کے نتیجے میں 24 افراد جاں بحق جبکہ متعدد زخمی ہو گئے۔
ریسکیو ذرائع کے مطابق کوئٹہ سے پشاور جانے والی کوچ حادثے کا شکار ہوئی۔ جاں بحق اور زخمی ہونے والوں میں خواتین اور بچے بھی شامل ہیں۔ بس انتظامیہ کے مطابق کوچ میں ڈرائیور سمیت 36 افراد سوار تھے۔
حادثے کی اطلاع ملتے ہی ضلع شیرانی کی انتظامیہ، ریسکیو 1122، فرنٹیئر کور (ایف سی)، پولیس اور دیگر امدادی اداروں نے موقع پر پہنچ کر امدادی کارروائیاں شروع کر دیں جبکہ خیبر پختونخوا سے بھی ریسکیو ٹیمیں آپریشن میں شریک ہوئیں۔
ڈپٹی کمشنر شیرانی حضرت ولی کاکڑ کے مطابق زخمیوں کو قریبی اسپتالوں میں منتقل کیا گیا حادثے کے بعد شیرانی اور ڈیرہ اسماعیل خان کے اسپتالوں میں ایمرجنسی نافذ کر دی گئی ہے۔