کورونا کی تیسری لہر کے باعث ملک ایک بار پھر لاک ڈاؤن کی جانب جا رہا ہے ایسے میں مسافر پریشان ہیں کہ کیا ٹرینیں بھی بند ہو جائیں گی؟
رپورٹ کے مطابق اس حوالے سے ترجمان پاکستان ریلوے نے اہم بیان جاری کر دیا ہے، جاری کردہ بیان میں کہا گیا ہے کہ کرونا کے بڑھتے کیسز کے پیشِ نظر این سی او سی کے فیصلے پر عملدرآمد کرتے ہوئے مسافر ٹرینیں نصف اور بکنگ بھی 50 فیصد کرنے کا فیصلہ کیا گیا ہے۔
ریلوے زرائع کے مطابق اگلے دو روز تک ٹرین کی ٹکٹس 50 فیصد کر کے رواں ہفتے کے اختتام تک نصف مسافر ٹرینوں کو بند کر دیا جائے گا۔
ریلوے زرائع نے یہ خدشہ بھی ظاہر کیا ہے کہ اگر کورونا کی صورتحال بہتر نہ ہوئی تو وقتی طور پر تمام مسافر ٹرینیں بھی بند کی جا سکتی ہیں تاہم نجی ٹی وی سے گفتگو کرتے ہوئے ترجمان پاکستان ریلوے حمدان نذیر نے یہ واضح کیا کہ ٹرینوں کے شیڈول میں کوئی تبدیلی نہیں کی گئی ہے۔
انہوں نے بتایا کہ مسافر ٹرینوں میں ستر فیصدمسافروں کو سفر کی اجازت ہے جبکہ ایس او پیز پر سختی سے عمل درآمد کروایا جا رہا ہے۔