عمران خان نے والد اور بہن کے ہمراہ سوشل میڈیا پر بچپن کی تصویر شیئر کر دی، تصویر پر مداحوں کے تبصرے۔
وزیراعظم پاکستان عمران خان نے مقبول فوٹو شیئرنگ ایپ انسٹاگرام پر اپنے اکاؤنٹ سے والد اور بہن کے ساتھ بچپن کی ایک یادگار تصویر شئیر کر دی۔
انہوں نے تصویر کے ساتھ کیپشن لکھا کہ ''والد اور بہن کے ساتھ بچپن کی ایک تصویر جب میں شاید دو سال کا تھا''۔
اس تصویر کو اب تک 80 یزار سے زائد لوگ لائیک کر چکے ہیں اور ہزاروں کی تعداد میں مداح اس پر تبصرے بھی کر رہے ہیں، عمران خان کے حامیوں کی جانب سے شئیر کردہ اس تصویر کو خوب پسند کیا جا رہا ہے۔
یاد رہے کہ عمران خان کے والد کا نام اکرم اللہ خان نیازی ہے وہ ایک سول انجینئیر تھے وہ میانوالی میں پیدا ہوئے، برٹش راک کے وقت انہوں نے پاکستان موومنٹ کو بھرپور سپورٹ کیا اور بہت سی فلاحی تنظیموں کے ساتھ جڑے رہے، عمران خان کے والد 19 مارچ 2008 کو دنیا فانی سے رخصت کر گئے۔