اداکارہ ماہرہ خان نے اپنی نانی کی ایک پیاری سی عادت کے بارے میں سوشل میڈیا پلیٹ فارم پر ایک پوسٹ کی ہے جس میں انہوں نے بتایا ہے کہ ان کی نانی ان کا ہاتھ دیکھ کر کیا کہتی ہیں۔
ماہرہ خان نے انسٹاگرام پر اپنی نانی کی ایک تصویر شیئر کی جس میں دیکھا جا سکتا ہے کہ نانی انکا ہاتھ پکڑی ہوئی ہیں اور ہاتھ پڑھ رہی ہیں۔
ماہرہ خان نے تصویر سے متعلق لکھا کہ میری نانی تقریباً روز ہی میرا ہاتھ پڑھ کر ایک ہی بات کہتی ہیں ’دل تو اچھا ہے‘۔
ماہرہ خان نے اپنی پوسٹ میں نانی سے محبت کا اظہار کرتے ہوئے ان کی اس دلچسپ عادت کے بارے میں اپنے مداحوں کو بتایا۔
ماہرہ کی جانب سے کی گئی اس پوسٹ کو اب تک تقریباً ڈیڑھ لاکھ بار پسند کیا گیا اور متعدد لوگوں نے اداکارہ کے پوسٹ ہر تبصرے بھی کئے۔
ماہرہ کی اس پوسٹ کو ان کے مداح بہت ہی خوبصورت اور دلچسپ قرار دے رہے ہیں۔