ملکہ الزبتھ کے شوہر شہزادہ فلپ گزشتہ روز 99 برس کی عمر میں انتقال کر گئے جس کے بعد شاہی خاندان کی فزاء سوگوار ہو چکی ہے۔
شہزادہ فلپ کی موت کا اعلان شاہی خاندان کے آفیشل ٹوئٹر اکاؤنٹ سے شیئر کیا گیا۔
ٹوئٹ میں اعلان کیا گیا کہ انتہائی دکھ کے ساتھ ہم یہ اعلان کرتے ہیں کہ ملکہ برطانیہ کے شوہر، شہزاد فلپ، ڈیوک آف ایڈنبرا اب نہیں رہے۔
دی گارجین کی رپورٹ کے مطابق شہزادہ فلپ کے انتقال کے بعد سب سے پہلا کام برطانیہ کی اہم عمارتوں پر موجود پرچم سرنگوں کردیا گیا۔
علاوہ ازیں شہزادہ فلپ کے انتقال کے باعث برطانوی شاہی خاندان سے منسلک تمام سوشل میڈیا اکاؤنٹس کا ہیڈر اور پروفائل فوٹو بھی تبدیل کردی گئی ہیں۔
شاہی خاندان دکھ کی اس گھڑی میں دنیا کے تمام لوگوں کے ساتھ اس سوگ میں شریک ہے۔
خیال رہے کہ گزشتہ دو ماہ سے ان کی طبیعت خراب تھی اور رواں برس فروری میں انہیں ہسپتال داخل کرایا گیا تھا۔