پاکستانی شوبز انڈسٹری سے تعلق رکھنے والی معروف اداکارہ سارہ خان کی طبعیت ناسازی کے باعث اسپتال منتقل کردیا گیا ہے۔
سماجی رابطے کی ویب سائٹ انسٹاگرام پر اب سے کچھ دیر قبل سارہ خان کے شوہر فلک شبیر کی جانب سے اسٹوری شئیر کی گئی جس میں ان کی اہلیہ کو بستر مرض پر دیکھا گیا ہے، اور ان کے چہرے پر فیس ماسک بھی لگا ہوا ہے۔
فلک شبیر کی شئیر کردہ اسٹوری پر مختصر پیغام بھی لکھا گیا ہےکہ وہ (سارہ خان) بیمار ہیں۔
اداکارہ کی طبعیت ناساز ہونے کے باعث ان کے شوہر فلک شبیر سمیت ان کے مداح بھی سارہ خان کی صحت سے متعلق پریشان ہیں ، اور وہ
انہیں مسکراتا ہوا دیکھنا چاہتے ہیں۔
خیال رہے کہ فلک شبیر اور سارہ خان گذشتہ سال کورونا لاک ڈاؤن کے دوران شادی کے بندھن میں بندھے تھے ۔