واٹس ایپ نے اپنے صارفین کی سب سے بڑی مشکل حل کردی اب ایک ہی اکاؤنٹ کو بیک وقت چار مختلف ڈیوائسز بشمول کمپیوٹر میں لاگ ان کیا جا سکے گا اور چاروں ہی ڈیوائسز میں سینک کی سہولت بھی موجود ہو گی، تفصیلات کے مطابق اس نئے ملٹی ڈیوائسز فیچر کی فیس بک کے بانی مارک زکر برگ کی تصدیق کے بعد واٹس ایپ حکام نے بھی اس نئے فیچر کو جلد متعارف کروانے کی تصدیق کردی ہے ۔
اس قبل صارف کو دوسرے موبائل فون میں اکاؤنٹ لاگ ان کرنے کیلئے پہلے موبائل فون سے اکاؤنٹ ڈیلیٹ کرنا پڑتا تھا اور کمپیوٹر پر بھی واٹس ایپ کو بار کوڈ اسکین کر کے استعمال کیا جاسکتا تھا لیکن اب کمپنی بار کوڈ یا تصدیقی ہندسوں کے علاوہ فلیش کال پر بھی کام کر رہی ہے تاکہ صارفین کی سیکیورٹی کا یقینی بنایا جا سکے۔