ویسے تو سوشل میڈیا پر کئی طرح سے حکومت سے شکایت کی جا سکتی ہے چاہے ویڈیو اپلوڈ کر کے یا پوسٹ پبلش کر کے، ایسا ہی کچھ پاکستان تحریک انصاف کے رہنما خرم شیر زمان نے کیا ہے۔
ذرائع کے مطابق خرم شیر زمان کی ایک ویڈیو سوشل میڈیا پر اپلوڈ ہوئی ہے جس میں خرم شیر زمان سرکاری گاڑیوں کے قبرستان اور سندھ حکومت کی غفلت سے متعلق معلومات فراہم کر رہے ہیں۔
ویڈیو میں خرم شیر زمان کا کہنا تھا کہ میں اس وقت روبی پلازہ کلفٹن کے پاس موجود ہوں جہاں سندھ حکومت کی کرپشن دیکھی جا سکتی ہے۔ ویڈیو میں خرم شیر زمان نے سرکاری گاڑیوں کے قبرستان کے بارے میں بتاتے ہوئے کہا کہ بلاول بھٹو اور سندھ حکومت سرکاری پیسے کو ضائع کر رہے ہیں۔
خرم شیر زمان کا مزید کہنا تھا کہ اس قبرستان میں چھوٹی گاڑیوں کے ساتھ ساتھ مہنگی گاڑیاں بھی موجود ہیں۔