الو جب ہنستا ہے تو کیا ہوتا ہے اور۔۔ جانیے ان جانوروں اور پرندوں کے بارے میں دلچسپ معلومات جس پر یقین نہیں آتا

جانوروں سے متعلق ویسے تو کئی ایسی باتیں ہیں جو کہ لوگوں کو حیرت میں ڈال دیتی ہیں مگر کچھ جانور اور پرندے ایسے بھی ہیں جو کہ منفرد اور خوفناک باتوں سے متعلق جانے جاتے ہیں۔

آج ایسے ہی چند جانوروں کے بارے میں باتیں بتائیں گے جو ہو سکتا ہے آپ نے پہلے نہیں سنی ہوں۔

بھیڑیے کا چاند کی طرف دیکھ کر چیخنا:

بھیڑیے کو عموماً ایک خوفناک جانور کے طور پر دیکھا جاتا ہے جو کہ اندھیرے میں چاند کی طرف دیکھ کر چیختا ہے۔

ہو سکتا ہے آپ بھی بھیڑیے کی اس حرکت سے متعلق آگاہی رکھتے ہوں، مگر دراصل بھیڑیے چونکہ رات کو ہی اپنی نقل و حرکت بڑھاتے ہیں اسی لیے اسے خوفناک چیزوں سے متعلق جوڑا جاتا ہے۔

بھیڑیے کی چیخ کو عموماً خوفزدہ چیزوں کے لیے استعمال کیا جاتا ہے، لیکن بھیڑیا دراصل اپنے ساتھیوں سے بات چیت کے لیے سگنل دینے کے لیے چیختا ہے۔

اس چیخنے سے بھیڑیا اپنے ساتھیوں کو چوکنا کر سکتا ہے یا شکار سے متعلق سگنل فراہم کر سکتا ہے۔

الو کی ہنسی کسی کی موت کی علامت:

الو ایک ایسا پرندہ ہے جو کہ رات ہی کو نقل و حرکت رکھتا ہے، الو کا شمار ان پرندوں میں ہوتا ہے جو کہ منفی پہلو سے جانا جاتا ہے۔ جیسے کہ کالے جادو کے حوالے سے۔