حج کی سعادت حاصل کرنا ہر مسلمان کے لئے باعث فخر ہے اور جن لوگوں کو خدا کے گھر جانے کا شرف حاصل ہو جاتا ہے ان سے زیادہ خوش نصیب کوئی نہیں۔ اس سال چونکہ محدود لوگوں کو حج پر جانے کی سعادت حاصل ہوئی وہیں کچھ ایسے روح پرور مناظر دیکھے گئے جو پہلے کہیں نہیں دیکھے۔ کہیں میاں بیوی کی محبت دیکھ کر لوگوں کی آنکھوں میں آنسوں آگئے۔ ایسے ہی تین جوڑوں کی کہانیاں ہماری ویب میں ہم آپ کو بتا رہے ہیں۔
تصویر میں موجود خاتون معزور ہے وہ چل نہیں سکتی۔ مگر ان کے ساتھ موجود ان کے محرم ان کے ساتھی ان کے شوہر وہیل چیئر پر بٹھا کر حج کے فرائض کی ادائیگی کروا رہے ہیں جس کو سوشل میڈیا پر لوگوں نے خوب پسند کیا ۔
سوشل میڈیا پر وائرل ہونے والی یہ تصویر جس میں دو جوڑے اپنے ساتھیوں کی مدد کر رہے ہیں ان کو دھوپ کی تپش سے بچا رہے ہیں۔ ایک تصویر میں جبلِ رحمت پر بیٹھی ہوئی خاتون دعا مانگ رہی ہے اور ان کے شوہر چھتری سے ان کو دھوپ سے بچا رہے ہیں۔ دوسری تصویر میں شوہر دھوپ میں نماز ادا کر رہے ہیں تو بیوی ان کے سر پر چھتری سے سایہ کر رہی ہے۔ یہ تصویریں سوشل میڈیا پر لوگوں کی جانب سے خوب پسند کی جا رہی ہیں لوگوں کا کہنا ہے کہ یہ اس سال کی سب سے خوبصورت اور دلکش تصاویر ہیں جو دل کو چھو رہی ہیں۔