آج ہم آپ کو بتانے والے ہیں دنیا کی چند ایسی چیزوں کے بارے میں جو استعمال کے لئے تو معمولی مگر قیمتیں حیران کر دینے والی ہیں، وہ کونسی چیزیں ہیں آیئے جانتے ہیں۔

دنیا کا مہنگا ترین تکیہ

ایک غیر ملکی کمپنی نے دنیا کا سب سے مہنگا تکیہ تیار کر کے سب کو حیران کر دیا ہے، اس تکیے کو اتنا مہنگا اس لئے بنایا گیا ہے کیونکہ اس کی بناوٹ میں لاکھوں روپے خرچ کئے گئے ہیں۔

اس تکیے کی قیمت 70 لاکھ روپے ہے جس کو بنانے میں مہنگی ترین روئی اور سونا بھی اس کے اندر بھرا جاتا ہے، یہ کسٹم میڈ تکیے ہوتے ہیں جو جنہیں آرڈر کرنے والے کی گردن اور سر کے سائز کے حساب سے تیار کیا جاتا ہے اس تکیے کے غلاف پر ہیرے بھی لگے ہوئے ہیں۔

مہنگی ترین آئس کریم

آئس کریم کھانے کا شوق کس کو نہیں ہوتا، مگر کیا آپ جانتے ہیں کہ دنیا کی سب سے مہنگی آئسکریم کونسی ہے اور کہاں ملتی ہے، آیئے ہم بتاتے ہیں۔

دوستوں دنیا کی سب سے مہنگی ترین آئس کریم کا نام سنڈے ہے جو نیویارک میں بنائی جاتی ہے اس میں کھانے کے قابل سونا بھی ملایا جاتا ہے اور اس کی قیمت 25 ہزار ڈالر ہے یعنی قریب 40 کروڑ ہے اور اس کے نیچے ایک ہیرے کا بریسلیٹ بھی ہوتا ہے جس کو آپ گھر بھی لے جا سکتے ہیں اس آئس کریم کا نام گنیس ورلڈ ریکارڈ میں شامل ہے۔

مہنگا ترین پین

لوگ مہنگے سے مہنگے قلم خریدنے اور استعمال کرنے کا شوق رکھتے ہیں مگر کیا آپ نے کبھی سوچا ہے کہ کوئی قلم 18 کروڑ کا بھی ہو سکتا ہے، دوستوں یہ قلم دنیا کا مہنگا ترین قلم ہے اس قلم کی نِب سونے کی ہے اور اس پر ڈھیر سارے ہیرے جڑے ہوئے ہیں۔