کوئی جہاز کے اوپر بیٹھ گیا تو کوئی پروں پر لٹک گیا ۔۔ افغان شہریوں کی امریکی طیارے کے ساتھ بھاگنے کی کوشش، خوفناک ویڈیو سوشل میڈیا پر وائرل

کابل ائیر پورٹ پر افغان شہریوں کی امریکی طیارے کے ساتھ جانے کی کوشش، اُڑان کے بعد 3 شہری جہاز سے گر کر ہلاک ہو گئے۔

سوشل میڈیا پر کابل ائیر پورٹ کی ویڈٰیو وائرل ہو رہی ہے جس میں دیکھا جا سکتا ہے کہ افغان شہری امریکی جہاز کے پہیوں اور پروں پر بھی سوار ہونے کی کوشش کر رہے ہیں، بڑی تعداد میں افغان شہری طیارے کے اردگرد موجود ہیں اور اپنی جان کی پرواہ کئے بنا طیارے کے پروں اور ٹائر پر چڑھنے کی کوشش کر رہے ہیں۔

کابل ایئرپورٹ پر افراتفری کے مناظر کی ویڈیو سوشل میڈیا پر تیزی سے وائرل ہو رہی ہے، غیر ملکی خبر رساں ادارے کے مطابق جہاز امریکی فوجی جہاز کی اُڑان کے بعد جہاز سے لٹکے ہوئے 3 افغان شہری گِر کر جاں بحق ہو گئے ہیں۔

یاد رہے کہ گزشتہ چند روز سے افغانستان کے موجودہ حالات کے باعث کئی ویڈیوز سوشل میڈیا پر وائرل ہو رہی ہیں جبکہ غیر ملکی میڈیا کے مطابق کابل ایئرپورٹ پر افراتفری کے ہولناک مناظر دیکھنے میں آ رہے ہیں اور گولیاں چلنے کی خبریں بھی موصول ہو رہی ہیں۔