دن بہ دن پاکستان میں مہنگائی بڑھتی جارہی ہے جبکہ چینی سے پیٹرول تک ہر چیز کی قیمتوں میں اضافہ ہو رہا ہے۔ تاہم اس مہنگائی کے دور میں سونے کی قیمتوں میں کمی آنا ایک خوش آئند بات ہے۔
تفصیلات کے مطابق سندھ صرافہ بازار جیولرز ایسوسیشن نے بتایا ہے کہ ملک میں ایک تولہ سونے کی قیمت میں 900 روپے کی کمی آئی ہے۔ جس کے بعد ملک میں سونے کی قیمت 1 لاکھ 12 ہزار 7 سو روپے ہوگئی ہے۔ جبکہ 10 گرام سونے کی قیمت میں 772 روپے کی کمی آئی ہے جس کے بعد 10 گرام سونے کی قیمت 96 ہزار 622 روپے ہوگئی ہے۔
تاہم صرافہ بازار جیولرز ایسوسیشن کے مطابق عالمی صرافہ مارکیٹ میں سونے کی قدر میں 24 ڈالر کم ہو کر 1 ہزار 779 ڈالر فی اونس ہوگئی ہے۔