آج کل شدید گرمی کی لہر ہے اور ہر کوئی حبس اور لوُ کی وجہ سے پریشان ہے ایسے میں گھر بھی بہت گرم ہو رہا ہے، دیواریں بھی گرم ہوجاتی ہیں اور چھت بھی اتنی گرم ہوتی ہے کہ پنکھا ٹھنڈی ہوا کہ بجائے گرم ہوا دیتا ہے۔

آج ہم آپ کو بتائیں گے گرمی میں گھر کو ٹھنڈا رکھنے کی چند ٹپس تاکہ آپ کو مل سکے گرمی میں بھی ٹھنڈک کا احساس۔

شدید گرمی میں گھر کو ٹھنڈا رکھنے کا طریقہ

• گرمی سے بچنے کے لئے ضروری ہے کہ آپ دیواروں اور چھت پر سفید رنگ کروائیں، سفید رنگ سے گرمی کا احساس کم ہوتا ہے۔

• گھر میں انڈور پلانٹ اُگائیں ایسے پودے لگائیں جو کمروں اور گیلری میں لگائے جا سکیں کیونکہ پودے گھر کو ٹھنڈا رکھتے ہیں۔

• جب لُو والی ہوا چلے تو ٹاٹ یعنی بوری کو گیلا تر کر کے چھت پر ٹاٹ بچھا دیں، اور کھڑکی پر بھی ٹاٹ گیلی کر کے لگا دیں اس سے باہر سے آنی والی گرم ہوا ٹھنڈی ہو جائے گی۔

• جھت پر پانی کا چھڑکاؤ کریں، اور زیادہ سے زیادہ پودے لگائیں، دھوپ سے بچنے کے لئے ترپال بھی لگا سکتے ہیں۔

• اس کے علاوہ ہلکے رنگ کے پردے ڈالیں اور ہلکے رنگ کی بیڈ شیٹ بچھائیں۔