بھارتی فوج کا ایک ہیلی کاپٹر مقبوضہ کشمیر کے علاقے میں گر کر تباہ ہوگیا۔
تفصیلات کے مطابق مقبوضہ کشمیر کے ضلع ادھم پور میں بھارتی فوج کا ہیلی کاپٹر گر کر تباہ ہوگیا جس کے نتیجے میں دو پائلٹس زخمی اور ایک شخص کے ہلاک ہونے کی اطلاعات سامنے آئی ہیں۔
میڈیا رپورٹس کے مطابق ہیلی کاپٹر معمول کی پرواز کر رہا تھا، تاہم دھند کے باعث ہیلی کاپٹر کے ساتھ یہ حادثہ پیش آیا۔ جبکہ مقامی پولیس کا کہنا ہے کہ پولیس جائے وقوعہ پر پہنچ گئی ہے اور وہاں سے دو زخمی فوجیوں کو نکال لیا گیا ہے۔
واضح رہے کہ اس سے پہلے بھی بھارتی فوج کے ہیلی کاپٹرز گر کر تباہ ہوچکے ہیں۔
جن میں سے گزشتہ ماہ اگست میں بھارتی فوج کا AA 254 ہیلی کاپٹر گر کر تباہ ہوا تھا۔ تاہم حادثے میں کوئی جانی نقصان نہیں ہوا تھا۔
جبکہ رواں سال جنوری میں بھارتی فوج کا ایک اور ہیلی کاپٹر کٹھوعہ ضلع کھن پور میں گر کر تباہ ہوا تھا۔ جس کے نتیجے میں ایک بھارتی پائلٹ ہلاک ہوگیا تھا۔