پاکستان کے معروف کامیڈین عمر شریف کی علاج کے لیے امریکہ روانگی کی اطلاعات سامنے آچکی ہیں، عمر شریف نجی اسپتال سے ڈسچارج ہو کر امریکہ منتقلی کے لیے ائیرپورٹ روانہ ہوچکے ہیں، جس کے بعد وہ ائیر ایمبولینس کے ذریعے امریکہ چلے جائیں گے۔
اداکار عمر شریف کی اہلیہ زرین غزل کا بھی اس حوالے سے بیان سامنے آیا ہے جس میں انہوں نے کہا ہے کہ ہمارے پاس وقت بہت کم ہے، ہائی رسک فلائٹ ہے دعا کریں سب ٹھیک رہے۔
تفصیلات کے مطابق معروف اداکار عمر شریف کی علاج کے لیے امریکا منتقلی کے معاملے پر ان کی اہلیہ امیگریشن مرحلے کے لیے ایئر پورٹ پر موجود ہیں، زرین ایئر ایمبولینس میں اپنے شوہر عمر شریف کے ہمراہ سفر میں موجود ہوں گی۔
اہلیہ عمر شریف کا کہنا تھا کہ شوہر کا ایئر پورٹ پر انتظار کر رہی ہوں، ہائی رسک فلائٹ ہے دعا کریں سب ٹھیک رہے۔
زرین نے مزید کہا کہ ہمارے پاس وقت بہت کم ہے، دودن شوہرکودل کادورہ پڑا تھا، علاج کے لیےعمرشریف کی امریکا منتقلی بہت ضروری ہے۔