آپ نے ہمیشہ بہت ہی خوبصورت یا پھر قد آور جانور دیکھے ہوں گے مگر آج ہم آپکو ایک ایسے بچھڑے سے ملوائیں گے جس کی 3 آنکھیں اور 2 سر ہیں ، یہ بچھڑا بھارتی گاؤں وجے پور میں پیداہوا ہے ، اس بچھڑے کی ویڈیو نے سوشل میڈیا پر آتے ہی اس لیے دھوم مچا دی کیونکہ یہ اپنی نوعیت کا ایک منفرد بچھڑا ہے ۔
غیر ملکی خبر رساں ادارے کے مطابق ایک سے زائد سر اور آنکھیں ہونے کے باعث اسے ہندؤں کے مذہبی کردار درگا ماں قرار دیا جا رہا ہے اور تو اور اس بچھڑے کی پیدائش ہندؤں کے ہی مذہبی تہوار نوراتری پر ہوئی ہے تو اس لیے اب لوگوں نے اس کی پوجا کرنی بھی شروع کر دی ہے ۔
جب سے ایک بھارتی صحافی نے اسے اپنے ٹوئٹر اکا ؤنٹ پر شیئر کیا ہے تب سے ہی سوشل میڈیا پر صارفین اسے بہت پسند کر رہے ہیں ۔ خیال رہے کہ اس سے پہلے رواں برس مئی کے مہینے میں بھی کچھ اسی طرح کی ایک ویڈیو منظر عام پر آئی تھی لیکن یہ ویڈیو برطانیہ کے علاقے ویلز کی تھی۔ جہاں دنیا کے 3 آنکھوں والے پہلے بچھڑے کو ویلز کے ہی ایک فارم پر دیکھا گیا تھا ۔