متحدہ عرب امارات میں کام کرنے والے اکثر ڈرائیوروں کیلئے کار کی پارکنگ ایک بہت بڑا مسئلہ ہے۔ تاہم دبئی کی روڈز اینڈ ٹرانسپورٹ اتھارٹی (آر ٹی اے) نے اس مشکل کا ایک آسان حل نکال لیا ہے۔
عرب میڈیا رپورٹس کے مطابق، متحدہ عرب امارات میں کام کرنے والے ڈرائیور کیلئے ایک اچھی خبر ہے کہ، اب وہ اپنی پارکنگ ٹکٹس واٹس ایپ کے ذریعے ادا کر سکیں گے۔
دبئی روڈز اینڈ ٹرانسپورٹ اتھارٹی (آر ٹی اے) کے ایگزیکٹو ڈائریکٹر کا کہنا ہے کہ واٹس ایپ کے ذریعے پارکنگ بک کروانے کے اس طریقہ کار کی چانچ کی جارہی ہے۔ تاہم جانچ مکمل ہونے کے بعد اس سہولت کو متعارف کروایا جائے گا۔
ان کا مزید کہنا تھا کہ اس سروس سے ڈرائیور باآسانی اپنی پارکنگ ٹکٹس واٹس ایپ کے ذریعے ادا کر سکیں گے۔ اس کے ساتھ انہوں نے کہا کہ ابھی یہ طریقہ کار آزمائش مرحلے میں ہے، جبکہ دو ہفتوں کے اندر اس سروس کو شروع کردیا جائے گا۔
واضح رہے کہ واٹس ایپ کے ذریعے پارکنگ ٹکٹس ادا کرنے کا طریقہ کار ایسا ہی ہے، جیسے پہلے لوگ 7275 پر ایس ایم ایس ذریعے ٹکٹس ادا کرتے ہیں۔