نور مقدم قتل کیس کے مرکزی ملزم ظاہر جعفر ہر بار عدالت مٰں پیش ہونے پر کوئی نہ کوئی عجیب حرکت ضرور کرتے ہیں۔ آج بھی عدالت میں پیشی کے دوران ملزم نے مسلسل نازیبا زبان استعمال کی جس کے بعد عدالت نے پولیس کو حکم دیا کہ “یہ ڈرامے کررہا ہے اسے باہر لے جائیں“
جب پولیس ظاہر کو باہر لے گئے تو بھی ملزم اپنی حرکتوں سے باز نہیں آیا اور ایک پولیس والے کا گریبان پکڑ لیا اور ہاتھا پائی شروع کردی جس پر پولیس نے ملزم کو ٹانگوں اور ہاتھوں سے پکڑ لیا اور ایسے ہی اٹھا کر دوبارہ حوالات لے گئی۔
واضح رہے نور مقدم کیس میں ظاہر جعفر کو مرکزی ملزم قرار دیا جاچکا ہے اور ملزم خود بھی اپنا جرم قبول کرچکا ہے تاہم ابھی عدالتی کارروائی جاری ہے اور اس مقدمے کا فیصلہ آنا ابھی باقی ہے۔