بندر ایک چالاک اور ہوشیار جانور مانا جاتا ہے جو اپنی حرکات سے لوگوں کا جینا بھی
دوبھر کر دیتے ہیں۔
بندر کی ایک مزاحیہ ویڈیو سوشل میڈیا پر وائرل ہورہی ہے جس میں اسے بڑے پنجرے کے اوپر بیٹھے ایک آدمی کا چشمہ اپنے ہاتھوں میں لیے دیکھا گیا جسے وہ واپس نہیں کر رہا تھا۔
لیکن اکثر ویڈیوزمیں دیکھا گیا ہے بندر سے اگر کچھ لینا ہو تو اسے بدلے میں کوئی چیز دینا پڑتی ہے جس کے بعد وہ چیز واپس لوٹا دیتا ہے ، ویڈیو میں بھی کچھ ایسے مناظر دیکھنے میں آئے۔
مذکورہ ویڈیو میں دیکھا گیا کہ شخص اس بندر سے اپنا چشمہ لینے کے لیے اسے جوس کا ڈبا دکھاتا ہے اور اپنا چشمہ لینے کی کوشش کر رہا ہے۔
تاہم بندر اس شخص کو اس وقت تک چشمہ واپس نہیں کرتا جب تک کہ اسے جوس نہیں مل جاتا۔
سوشل میڈیا صارفین کی جانب سے اس ویڈیو کو بہت پسند کیا جا رہا ہے اور اس ویڈیو کو اب تک ہزاروں لوگ دیکھ چکے ہیں۔