رات کے وقت تو اندھیرے سے ڈر اور خوف تو آتا ہی ہے لیکن جب دن کے وقت بھی اُجالے میں اندھیرا محسوس ہو تو کسی غیر مخلوق کی موجودگی کا اندازہ ہوتا ہے اور یہ حقیقت ہے کہ جن، جنات کی موجودگی دنیا میں ہے جس سے کوئی دو رائے نہیں ہے۔ اکثر وہ گھر یا محلات جہاں کم لوگ اتے جاتے ہیں یا برسوں سے جو جگہ آباد نہ ہو وہ ویرانی کی وجہ سے غیر مخلوقات کا ڈیرہ بن جاتی ہیں لیکن حیرت اس وقت ہوتی ہے جبکہ مصروف جگہوں پر لوگوں کی موجودگی میں بھی ڈر اور خوف ہو۔
ایسی ہی ایک عمارت لال بلڈنگ کراچی کی مصروف شاہراہ آئی آئی چندریگر روڈ پر واقع ہے جو 20 سال سے غیر آباد اور خوف کی علامت بنی ہوئی ہے جہاں رات میں تو کوئی جانے کا سوچ نہیں سکتا بلکہ دن میں بھی نہیں جاتا۔
اس عمارت کے چوکیدار نے نجی ٹی وی کی رپورٹ میں بتایا ہے کہ:
''
یہاں پچھلے 20 سال سے کوئی نہیں آیا، اور نہ یہاں کوئی آتا کچھ وقت قبل یہاں آفس تھے لیکن سب چھوڑ کر بھاگ گئے، یہاں کسی خاتون کا سایہ دیکھا گیا ہے اور میں خود بھی بہت مرتبہ ڈرا ہوں، ایک مرتبہ مغرب کے وقت یہاں بچوں کی بال آئی میں نکالنے آیا تو ایسا محسوس ہوا کہ جیسے کچھ ہے، یہاں ایک مزدور کام کرنے آیا تھا جس کو اندر کسی نے اتنا مارا کہ وہ بیچارہ ڈر کر بھاگ گیا جبکہ آج تک یہاں کوئی رہ نہیں سکا۔
''