گھر گرانے کا خوف، بیوی کا انتقال، شوہر کو بھی دل کا دورہ پڑ گیا

میاں بیوی ایک دوسرے کا ساتھ ہر حال میں نبھاتے ہیں۔ گھر کو بنانے اور سجانے کے خواب بھی ایک ساتھ دیکھتے ہیں۔ لیکن جب یہ گھر ٹوٹ جائے تو دونوں کی امیدیں راکھ ہو جاتی ہیں۔ ایسا ہی واقعہ کراچی میں گجرنالہ کے قریب پیش آیا جہاں رہائشی آبادی کو حکام نے گرانے کا نوٹس دیا تھا اور اب وہ گھر توڑ دیئے گئے ہیں۔ گھر ٹوٹنے کے خوف سے بیوی کو دل کا دورہ پڑگیا اور وہ برداشت نہ کرسکیں اور انتقال کرگئیں، شوہر اپنے گھر اور بیوی دونوں کا صدمہ نہ سہہ سکا اس کو بھی دل کا دورہ پڑ گیا۔ اہلِ خانہ کے مطابق گجر نالہ بلاک ایف نارتھ ناظم آباد کی رہائشی خاتون کو گھر گرانے کے صدمے سے دل کا دورہ پڑا اور انتقال کر گئیں۔ اب ان کے شوہر بھی برداشت نہ کر سکے اور انہیں بھی دل کا دورہ پڑ گیا، البتہ شوہر ہسپتال میں داخل ہے ان کو طبی امداد دی جا رہی ہے۔ ایسے ناجانے کتنے لوگوں کے گھرون کو مسمار کیا جاچکا ہے اور اب بھی کتنی ہی رہائشی آبادیاں باقی ہیں جن کو توڑنا ہے۔ اخر کب تک لوگ رہائش یا گھر چھن جانے کی وجہ سے یوں بے گھر ہوتے رہیں گے۔