سیاستدانوں سے اکثر ہی عوام تنگ رہتی ہے مگر ان کے پالتو جانور بہت خوش رہتے ہیں اسکی وجہ یہ ہے کہ انہیں کھانے کو وہ وہ چیزیں ملتی ہیں جو ایک عام آدمی کو زندگی بھر میں میسر نہیں ہوتی۔ آئیے جانتے ہیں کہ پاکستان کے مشہور سیاستدانوں کے پالتو جانور کھانے میں کیا کھاتے ہیں۔

آصف علی زرداری:

آصف علی زرداری نے الیکشن کے دنوں میں اپنے اثاثے ظاہر کیے جس میں ظاہر ہوا کہ انکے پاس نایاب نسل کے گھوڑے بھی ہیں اور مختلف میڈیا رپورٹس کے مطابق یہ چارا یا گھاس پھوس نہیں کھاتے بلکہ وہ سیب کا مربہ، بادام، پستے، اور اخروٹ کھانے کے شوقین ہیں یہی نہیں بلکہ ناشتے میں حلوہ پوری کھاتے ہیں۔

عمران خان:

عمران خان جو حالیہ پاکستان کےازیراعظم ہیں ان کے پاس 5 پالتو کتے ہیں اور انکے کتوں کا نام شیرو، شیرنی، موٹو، پیڈو اور میکسمس ہے، ان میں سے شیرو اور شیرنی مر چکے ہیں اس کے علاوہ خان صاحب کے پاس مرغیاں، گائے اور دریائی گھوڑے بھی ان کے فارم ہاؤس پر موجود ہیں۔

اب بات کرتے ہیں کہ عمران خان کے پالتو جانور کھاتے کیا ہیں تو یہ امپورٹڈ گوشت کھاتے ہیں تا کہ انکی صحت خراب نہ ہو۔

اکثر سوشل میڈیا پر وزیراعظم عمران خان کی اپنے پالتو کتوں کے ساتھ وقت گزارنے کی تصاویر اور ویڈیوز بھی سوشل میڈیا پر شیئر کی جاتی ہیں۔

صدر عارف علوی:

صدر عارف علوی طوطوں کے بہت زیادہ شوقین ہیں اور انہوں نے حال ہی میں صدر ہاؤس میں طوطوں کے لیے پنجرہ بننے کا حکم دیا تھا۔ جس کیلئے 19 لاکھ روپے کا ٹینڈر جاری کیا گیا ہے اور انکے طوطے بھی نہایت ہی بہترین غذا کھاتے ہیں۔ یعنی کہ امپورٹڈ غذا جو غیر ممالک سے آتی ہیں۔

پرویز مشرف:

پرویز مشرف کو بھی کتے پالنے کا شوق ہے۔ایک مرتبہ نجی ٹی وی کے شو کے دوران انٹرویو میں کتا آ گیا جو کہ انکا پالتو کتا ہے اس کا نام پاشا ہے۔ اس وقت جب انکا پالتو کتا انکے پاس آیا تو انہوں نے اسے اٹھا کر بہت پیار، محبت کا اظہار کیا اور اینکر سے کہا کہ لوگ پتہ نہیں کیوں کتوں کو اچھا نہیں سمجھتے۔

البتہ یہ بھی اچھی غذا ہی کھاتے ہیں پر ابھی تک واضح نہیں ہو سکا کہ کیا کھاتے ہیں انکے پالتو جانور۔