کہا جاتا ہے ماں کے بغیر گھر دوزخ بن جاتا ہے۔ لیکن باپ گھر کا وہ فرد ہیں جن کے بغیر صرف گھر ہی نہیں پوری دنیا سنسان ہو جاتی ہے۔ جب تک والد ساتھ ہوتے ہیں بچوں کو کسی قسم کا ڈر، خوف اور پریشانی نہیں ہوتی۔ والد بھی خدا کا عطاء کردہ سب سے خوبصورت تحفہ ہیں۔ ہر کسی کو اپنے والد کی فکر کرنی چاہیئے۔ ان کا خیال اور ان سے محبت ہر وقت کرنی چاہیئے۔ باپ کو ناراض کرنے والا کبھی فلاح نہیں پاسکتا۔
سوشل میڈیا پر وائرل ہونے والی یہ تصویر غور سے دیکھیں تو آپ کو اندازہ ہوگا کہ باپ موٹرسائیکل چلا رہا ہے اور بچہ گاڑی پر بیٹھے ہوئے نیند سے اونگھ رہا ہے۔ کہیں بچہ گاری سے نیچے نہ گر جائے اس لئے باپ نے اپنے ایک ہاتھ سے بچے کو کمر سے تھام لیا اور دوسرے ہاتھ سے بائیک چلا رہا ہے۔
سوشل میڈیا صارفین کی جانب سے اس تصویر کو بہت زیادہ پسند کیا جا رہا ہے۔ لیکن اب تک یہ معلوم نہ ہوسکا کہ یہ باپ بیٹے کون ہیں یا ان کی تصویر کس نے لی ہے۔