کراچی والے سردی کا انتظار کرتے کرتے تھک گئے تھے روزانہ سردی بڑھنے کی پیش گوئی کی جا رہی تھی لیکن سردی نہ آئی۔ مگر آج کراچی میں یخ بستہ ہواؤں کا راج چل گیا۔
کراچی میں ٹھنڈی ہوائیں چل رہی ہیں۔ شہری سردی کے مارے گھروں میں گرم لوازمات کا مزہ لے رہے ہیں وہیں کچھ شہری سوپ پینے کے لئے بازاروں کا رخ کر رہے ہیں۔
شہرِ کراچی کا اس وقت درجہ حرارت 17 ڈگری سینٹی گریڈ ہوچکا ہے لیکن ٹھنڈ کی شدت 12 ڈگری سینٹی گریڈ محسوس کی جا رہی ہے۔ شہر میں صبح سے ٹھنڈ تھی لیکن شام 6 بجے سے زیادہ تیز ہوائیں چلنے لگیں۔