آئے دن سوشل میڈیا پر شادی کے متعلق طرح طرح کی ویڈیوز سامنے آتی ہیں، جہاں دلہا موڑ سائیکل پر بارات لے کر پہنچ جاتا ہے، تو کہیں دلہن کو عین شادی کے موقعے پر باس کا فون آجاتا ہے۔ تاہم چند دنوں سے سوشل میڈیا پر وائرل ہونے والی ویڈیو میں دیکھا جاسکتا ہے کہ شادی میں نہ کوئی دلہن ہے، نہ نکاح اور نہ کوئی رخصتی ہوئی، پھر بھی دلہا باراتیوں کے ساتھ شہر میں گھومتا رہا۔
تفصیلات کے مطابق ٹنڈو جام کے ایک گاؤں میں محلے والوں نے شادی نہ کرانے پر ناراض ہوکر، گھر سے جانے والے شخص کی انوکھی شادی کروا دی۔
اس شادی میں نہ تو دلہن تھی، نہ کوئی نکاح، اور نہ تو رخصتی ہوئی۔ مگر دلہے کو باراتیوں سمیت گاڑی میں بیٹھا کر پورے بینڈ باجے کے ساتھ شہر کا گشت کروایا گیا، جبکہ اس موقعے پر لوگوں نے رقص بھی کیا۔