عالمی ادارہ صحت کے سربراہ نے اومیکرون کے بڑھتے ہوئے کیسز پر تشویش کا اظہار کرتے ہوئے کہا ہے کہ 94 رکن ممالک، چالیس فیصد آبادی کو ویکسینیشن لگانے میں ناکام رہے ہیں۔
ڈاکٹر ٹیڈروس نے کہا کہ نئے آنے والے سال میں رکن ممالک کو چاہیے کہ ویکسینیشن کی مہم کو تیز کردیں۔ مزید کہا کہ ڈیلٹا کے مقابلے میں اومیکرون کے کیسز تیزی سے بڑھ رہے ہیں۔
جبکہ انہوں نے خبردار کرتے ہوئے کہا ہے کہ کورونا وائرس کی نئی قسم غیر معمولی طور پر پھیل رہی ہے۔ اب تک 77 ممالک میں اومیکرون کی تصدیق کی جاچکی ہے۔
واضح رہے کہ اومیکرون کا تصدیق شدہ پہلا کیس جنوبی افریقہ میں آیا تھا، اسکے بعد کووڈ کے متاثرین میں ایک دم سے اضافہ دیکھا گیا ہے۔