اب سندھ حکومت دوبارہ سے اسکول بند کرنے کا سوچ رہی ہے۔ اس کی بنیادی وجہ یہ ہے کہ کراچی میں دوبارہ سے کورونا وائرس کی نئی قسم اومی کرون تیزی سے پھیل رہی ہے۔ اور کراچی اس سے صوبے بھر میں سب سے متاثر ہ شہر ہے۔
اس حوالے سے صوبائی ہیلتھ ڈیپارٹمنٹ کا کہنا ہے کہ آنے والے 2 سے 3 دن کے اندر اندر حتمی فیصلہ کر لیا جائے گا۔
جبکہ گزشتہ روز یعنی کہ 3 جنوری 2022 کو تمام تعلیمی اداروں کو موسم سرما کی تعطیلات کے بعد دوبارہ کھولا گیا تھا۔
مزید یہ کہ اس مسئلے پر وزیراعظم عمران خان کے اسپیشل اسٹنٹ ڈاکٹر فیصل سلطان کا کہنا ہے کہ کراچی میں اومی کرون سے متاثرہ اشخاص کی تعداد 8 عشاریہ 9 فیصد سے تجاوز کر گئی۔
اس لیے اب پھر سے اس نئی قسم سے بچنے کیلئے ضروری ہے کہ سماجی فاصلہ اور ماسک کی پابندی لازمی برقرار رکھیں۔