کراچی میں بھی اب بلوچستان کی طرح تیز بارشوں کی نوید سنا دی گئی ہے۔ چیف میٹروجسٹ سردار سرفراز کا کہنا ہے کہ کل شام کو کراچی میں تیز بارش ہو گی۔
جبکہ آج شہر کا موسم ابر آلود رہے گا اور شہر میں کل شام تک بوندا باری ہوتی رہے گی ۔
کراچی کے موسم پر بات کرتے ہوئے سردار سرفراز کا کہنا تھا کہ مغربی ہواؤں کا سلسلہ جمع کی صبح تک سندھ سے نکل جائے گا۔
لیکن اب تک گزشتہ روز ہونے والی تیز بارش کا پانی شہر قائد کی سڑکوں پر ابھی تک جمع ہے جسے نکالا نہیں جا سکا ہے۔
واضح رہے کہ سڑکوں پر جمع پانی سے صبح سویرے اپنی اپنی نوکریوں اور کام پر جانے والے حضرات کو شدید پریشانی کا سامنا کرنا پڑا۔