نیو یارک کے سینٹرل پارک میں ایک جرمن مصور اور مجسمہ ساز نے سونے کا ٹھوس چوکور ٹکڑا سرِ عام رکھ دیا ہے۔ سونے کے اس ٹکڑے کی قیمت 11.7 ملین ڈالرز یعنی پاکستانی دو ارب سے بھی زیادہ ہے۔

یہ سونے کا ڈلا کرپٹو کمپنی کی ضمانت بنے گا

اس فن پارے کے تخیلق کار کاستسیلو ہیں جنھوں نے اسے “سوکلے موندے“ یعنی زمین کی بنیاد کا نام دیا ہے۔ ان کے مطابق یہ فن پارہ قدیم و جدید زمانے کے مکالمے کو ظاہر کرتا ہے۔ اس کے علاوہ اس سونے کے مجسمے کا مقصد یہ کہ مستقبل میں یہ مجسمہ کاستیلو کوائن نامی کرپٹو کرنسی کی ضمانت بنے گا۔

کوئی چوکیدار موجود نہیں

اگرچہ لوگ اس سونے کے بڑے سے ڈلے پر بیٹھ کر تصاویر بنواتے ہیں اور جو جی میں آتا ہے کرتے ہیں، کوئی کسی کو نہیں روکتا نہ ہی یہاں کوئی پہرے دار موجود ہے۔ البتہ اس ڈلے کو جدید ترین سیکورٹی اور سی سی ٹی وی کیمرے کی نگرانی میں رکھا گیا ہے۔