فضائیہ کے سربراہ ایئر چیف مارشل ظہیر احمد بابر نے سعودی عرب کا دورہ کیا، جہاں انہوں نے سعودی رائل ایئر فورس کے کمانڈر ترکـی بن بندر بن عبدالعزیز اور مملکت کے چیف آف جنرل اسٹاف جنرل فیاض بن حمید الرویلی سے الگ الگ ملاقاتیں کیں۔
سعودی وزارتِ دفاع کے مطابق ان ملاقاتوں میں پاکستان اور سعودی عرب کے درمیان دفاعی اور فوجی تعاون کو مزید وسعت دینے کے مواقع پر تفصیلی تبادلہ خیال کیا گیا۔ دونوں ممالک کے درمیان فضائی تعاون، پیشہ ورانہ تربیت اور دفاعی شعبے میں مشترکہ اقدامات پر بھی گفتگو ہوئی۔
سعودی حکام نے پاکستان کے ساتھ دیرینہ دفاعی تعلقات کو سراہتے ہوئے انہیں مزید مضبوط بنانے کے عزم کا اظہار کیا.