لوگ صابن اور شیمپو اپنی جلد اور بال کی ساخت کے حساب سے خریدتے ہیں لیکن اگر یہ چیزیں نقلی ہوں تو جلد اور بالوں کو فائدے کے بجائے الٹا نقصان ہی پہنچتا ہے۔ اس مسئلے سے بچنے کے لئے معروف یوٹیوبر محسن بھٹی نے ایک ایسا طریقہ بتایا ہے جسے اپنا کر آپ بھی اصلی نقلی صابن اور شیمپو کی پہچان کرسکتے ہیں۔

شیمپو کی برانڈڈ بوتلوں میں چربی کا غیر معیاری محلول

محسن بھٹی کہتے ہیں ایک بار وہ ایسے کارخانے پہنچے جہاں تھوک کے حساب سے برانڈڈ شیمپو کی خالی بوتلیں اور صابن کی پیکنگ رکھی ہوئی تھی اور اس میں ڈالا جانے والا ملغوبہ بھی وہیں تیار کیا جارہا تھا۔ حیرت کی بات یہ ہے کہ الگ الگ برانڈز میں ڈالا جانے والا محلول ایک ہی تھا۔ اپنی ویڈیو میں محسن بھٹی نے بتایا کہ انھوں نے ایک ملازم سے پوچھا کہ اس محلول میں کیا ملایا جاتا ہے تو اس نے بتایا کہ پگھلی ہوئی چربی ہوتی ہے جس میں پرفیوم ملا کر خوشبودار بنایا جاتا ہے۔

پہچان کا طریقہ

محسن بھٹی نے اپنے یوٹیوب ویڈیو میں نقلی اور اصلی شیمپو کے بارے میں بات کرتے ہوئے بتایا کہ شقلی شیمپو میں غیر معیاری اجزاء کی وجہ سے بال تیزی سے جھڑنے لگتے ہیں لیکن گاہک برانڈڈ بوتل کی وجہ سے دھوکا کھا جاتا ہے۔ اس کی پہچان کا طریقہ یہ ہے کہ شیپمو اور صابن کو گہری سانس لے کر کئی بار سونگھا جائے۔ اگر اصلی شیمپو یا صابن ہوگا تو صرف خوشبو آئے گی لیکن اگر ملاوٹ زدہ ہوگا تو سونگھنے کے دوران کبھی نہ کبھی ناگوار بو ضرور آئے گی اور یہی نقلی چیزوں کی پہچان ہے۔