وزیر اعظم عمران خان کی جانب سے (Information Technology) آئی ٹی کے شعبے کے لیے ایک بڑے پیکج کا اعلان کیا گیا ہے۔
تفصیلات کے مطابق پیکج کے تحت اس شعبے میں 50 نئے کاروباروں کو سالانہ ایک ارب روپے مالیت کی سیڈ فنڈنگ فراہم کرنے کیلئے پاکستان ٹیکنالوجی سٹارٹ اپ فنڈ کے قیام کا فیصلہ کیا گیا ہے۔
وزیراعظم نے یہ فیصلہ آئی ٹی کے شعبے سے متعلق اجلاس کی صدارت کرتے ہوئے کیا۔
وزیراعظم نے کہا کہ ہم آئی ٹی کے شعبے میں سرمایہ کاری کو فروغ دینے کے لیے پاکستان سافٹ ویئر ایکسپورٹ بیورو کے ساتھ رجسٹرڈ آئی ٹی کمپنیوں اور فری لانسرز کے لیے ٹیکس ہالیڈےاور 100فیصدFOREX RETENTION کا اعلان کر رہے ہیں۔
آئندہ چند سال میں آئی ٹی کی برآمدات کو 50 ارب ڈالر تک بڑھانے کے اپنے وژن پر زور دیتے ہوئے وزیر اعظم نے آئی ٹی انڈسٹری کو کاروبار کرنے میں آسانی اور عالمی سطح پر دستیاب بہترین مراعات فراہم کر کے اسے آگے بڑھانے کی اہمیت کو اجاگر کیا ہے۔