"میرے والد ایک معزز اور ایمان دار شخص تھے۔ بیٹا بلاول تمھیں پاکستان کے بارے میں معلومات حاصل کرنے کی ضرورت ہے میرا 1994 سے ٹیکسٹائل کا بزنس ہے"

یہ الفاظ وزیراعظم عمران خان کی بہن علیمہ خان نے بلاول بھٹو کے پچھلے بیان کے جواب میں ادا کیے۔ بلاول بھٹو نے کہا تھا کہ علیمہ باجی نے سلائی مشینوں کے نام پر اربوں روپے کی کرپشن کی۔ سلائی مشینوں سے اتنا پیسہ بنا لیا۔

افسوس کی بات ہے کہ سلائی مشینوں پر کام. کرنے والوں کا مذاق بنایا جاتا ہے

علیمہ خان نے جیو نیوز کو انٹرویو دیتے ہوئے کہا کہ ملک کی سب سے بڑی ٹیکسٹائل انڈسٹری کا کام ان سلائی مشینوں پر ہی ہوتا ہے یہ بڑے دکھ کی بات ہے کہ سلائی مشینوں پر کام کرنے والوں کا میڈیا کے سامنے مذاق اڑایا جاتا ہے جبکہ ان محنت کشوں کی وجہ سے یہ انڈسٹری معیشت میں ریڑھ کی ہڈی کی حیثیت رکھتی ہے