سڑک حادثے کراچی میں دن بہ دن بڑھتے جا رہے ہیں۔ جتنے زیادہ حادثات ہو رہے ہیں اتنی ہی اموات کی شرح بھی بڑھ رہی ہے۔ کسی کی ٹانگ ٹوٹ رہی ہے تو کوئی بیچارہ پسلی کے فریکچر کا شکار ہو رہا ہے۔ آج صبح کراچی سے ایک افسوس ناک خبر سامنے آئی جہاں تیز رفتار ایمبولینس کی ٹکر سے ایک راہ گیر لڑکی کی دونوں ٹانگیں ٹوٹ گئی ہیں۔
اورنگی ٹاؤن میں چھیپا ایمبولینس سے حادثے کے نتیجے میں لڑکی شدید زخمی ہوئی۔ تفصیلات کے مطابق لڑکی روڈ پار کر رہی تھی کہ اچانک تیز رفتار ایمبولینس آئی اور لڑکی کو 30 فٹ تک گھسیٹتے ہوئے لے گئی۔
یہ خوفناک
حادثہ اورنگی ٹاؤن کے علاقے خیر آباد میں پیش آیا اور پھر اسی ڈرائیور نے لڑکی کو اسی ایمبولینس میں بیٹھا کر عباسی شہید ہسپتال پہنچایا۔
ایمبولینس ڈرائیور نعمان نے ہسپتال میں بتایا کہ لڑکی کو تیز رفتار منی بس کچل کر فرار ہوئی ہے وہ میری ایمبولینس سے نہیں ٹکرائی ۔ اس معاملے کی مذید تفتیش کی جا رہی ہے کہ آخر کس کی غلطی ہے۔