مشہور اداکارہ سارہ خان کی ایک بہن نور خان کا تعلق بھی شوبز سے ہے لیکن بہت کم لوگ یہ بات جانتے ہیں کہ ان کی ایک اور بہن عائشہ ظفر خان بھی ہیں جن کا شوبز سے تعلق نہیں۔ گزشتہ کئی دنوں سے سارہ خان اپنی اسٹوریز میں شادی کی تصاویر اور “میری سسٹر دی ویڈنگ“ کے ہیش ٹیکگز استعمال کررہی تھیں جس سے لوگ کنفیوژن کا شکار تھے کہ آخر سارہ کی کون سی بہن کی شادی ہورہی ہے البتہ اب یہ راز کھل چکا ہے۔ اس آرٹیکل میں ہم آپ کو عائشہ ظفر خان کی شادی کی دلچسپ جھلکیاں دکھائیں گے اور ساتھ یہ بھی بتائیں گے عائشہ کے دلہا کون ہیں۔

دلہا لندن کا رہنے والا ہے

اگرچہ سوشل میڈیا پر ابھی تک عائشہ ظفر خان کے دولہا کے حوالے سے زیادہ معلومات نہیں ہیں لیکن چند دن پہلے فلک شبیر نے اپنی اسٹوری میں اس بات کی نشاندہی کی تھی کہ سارہ کی بہن کے شوہر کا تعلق لندن سے ہے۔

سارہ اور نور کا لباس

بہن کی شادی کے موقع پر سارہ اور ان کی بہن نور خان خوبصورتی اور نفاست سے تیار ہوئیں۔ سارہ نے بہن کے نکاح کے موقع پر گہرے ہرے رنگ کا لہنگا پہنا تھا جبکہ نور ہلکے گلابی رنگ کا سادہ سا گاؤن پہنے تھیں۔ سارہ کے شوہر اور گلوکار فلک شبیر بھی بیٹی کے ہمراہ خوش باش شادی میں شریک تھے۔