وزیراعظم پاکستان عمران خان نے اسمبلیاں تحلیل کرنے کی تجویز صدر پاکستان کو بھیج دی۔ یہ اعلان انہوں نے قوم سے خطاب کے دوران کیا۔ یہی نہیں بلکہ پاکستانی قوم کو مبارکباد بھی دے ڈالی کہ تحریک عدم اعتماد مسترد ہو گئی ہے اور اب تفصیلات کے مطابق صدر پاکستان عارف علوی نے اسمبلیاں توڑ دی ہیں۔
تحریک عدم اعتماد مسترد ہونے کے فوراِِ بعد قوم سے خطاب کرتے ہوئے
کہا کہ اس طرح کی سازش کامیاب نہیں ہونے دیں گے۔ جبکہ اسپیکر نے اپنی اتھارٹی اور آئینی طاقت سے جو بھی فیصلہ کیا اس کے بعد میں نے صدر پاکستان کو اسمبلیاں تحلیل کرنے کی تجویز بھیج دی ہے۔
انہوں نے مزید یہ کہا کہ جمہوری معاشرے میں عوام کے پاس جائیں، الیکشن ہوں، عوام فیصلہ کرے وہ کسے چاہتے ہیں، کوئی باہر سے سازش، کرپٹ لوگ، پیسہ دے کر قوم کا فیصلہ نہ کریں، جنہوں نے اچکنیں سلوائیں اور لوگوں کو کروڑوں روپے دیے تو وہ پیسہ ضائع ہوگا، جیسے ہی صدر اسمبلیاں تحلیل کریں گے تو نگراں حکومت کا عمل شروع ہوگا۔
وزیراعظم کا کہنا تھا کہ اللہ کا شکر ادا کرتا ہوں ملک سے بہت بڑی سازش کی جارہی تھی، 22 کروڑ قوم کی حکومت کو گرانے کی کوشش کی گئی وہ سازش فیل ہوگئی، اس پر قوم کو مبارکباد دیتا ہوں۔
واضح رہے کہ مزید یہ کہ آج تحریک عدم اعتماد کیلئے پارلیمنٹ میں اجلاس تلاوت قران پاک سے شروع ہوا پھر نعت رسول مقبولﷺ پڑھی گئی اور اس کے بعد قومی ترانہ پڑھا گیا۔