سوشل میڈیا پر پاکستانی عوام کی جانب سے سابق وزیر اعظم عمران خان سے کھل کر والہانہ محبت کا اظہار کیا جا رہا ہے، اس دوران ملک بھر میں ہونے والے مظاہروں کی جھلکیاں بھی سوشل میڈیا پر موجود ہیں۔
ان سب میں پی ڈی ایم کی جانب سے وزیراعظم کے امیدوار شہباز شریف کے ہم شکل کی ویڈیو بھی کافی وائرل ہو رہی ہے۔
کراچی کے علاقے گلستان جوہر میں ہونے والے مظاہرے میں جہاں عوام کے بڑی تعداد میں شرکت نے سب کو حیرت میں مبتلا کیا وہیں ڈمی شہباز شریف نے بھی توجہ حاصل کر لی۔
10 سیکنڈز کی اس ویڈیو میں دیکھا جا سکتا ہے کہ ڈمی شہباز شریف عوام میں موجود ہیں جبکہ نوجوانوں کی جانب سے ردعمل دیا جا رہا ہے۔
گلے میں پھولوں کا ہار، سفاری سوٹ اور چہرے کے تاثرات بھی بالکل اصل شہباز شریف جیسے، ویڈیو نے سوشل میڈیا پر سب کی توجہ حاصل کر لی ہے۔