کہتے ہیں ناگ اور ناگن کی محبت اس قدر مثالی ہوتی ہے کہ اگر دونوں میں سے کسی ایک کو مار دیا جائے تو زندہ رہ جانے والا ساتھی بدلہ ضرور لیتا ہے۔ بھارت میں اس موضوع پر کئی فلمیں بن چکی ہیں اور حال ہی میں ایک ایسا واقعہ بھی پیش آیا ہے جس نے لوگوں کو حیران کردیا ہے۔
بھارت کی ریاست مدھیہ پردیش کے گاؤں کے ایک گھر میں پوچا کے دوران سانپ نکل آیا گھر والوں نے اچانک اتنا خوفناک ناگ دیکھا تو کسی طرح اسے مار کر پھینک دیا لیکن رات میں ایک دوسرے ناگ نے اپنے ساتھی کو قتل کرنے والے کشوری لال کے 12 سالہ بیٹے کو ڈس لیا جس کا موقع پر ہی انتقال ہوگیا۔
یہ واقعہ سن کر گاؤں والوں کا کہنا ہے کہ ڈسنے والا سانپ دراصل ناگن ہے جس نے اپنے ساتھی کی موت کا بدلہ لیا ہے اگرچہ یہ بات محض افسانوی ہے اور اس میں کوئی حقیقت نہیں لیکن کم پڑھے لکھے اور توہم پرست افراد اس قسم کے من گھڑت قصوں پر یقین رکھتے ہیں۔