بدقسمتی سے پاکستان کی قومی اور صوبائی اسمبلی میں حکومت اور اپوزیشن پارٹیوں کے ایک دوسرے پر بڑھ چڑھ کر نعرے بازی، تلخ کلامی، اسپیکر کے ساتھ بدتمیزی دیکھ کر افسوس ہوتا ہے۔
صرف یہی نہیں بلکہ ہاتھا پائی بھی دیکھنے میں آتی ہے جس سے قومی اسمبلی کا تقدس پامال ہوتا ہے۔
اب وہیں پشاور کی خیبرپختونخواہ اسمبلی سے ایک ویڈیو سامنے آئی ہے جس میں اپوزیشن اور حکومتی اراکین کے درمیان ہاتھا پائی دیکھنے میں آئی جس سے ایوان اکھاڑے کا منظر پیش کرنے لگا۔
ہاتھا پائی کن کے درمیان پیش آئی؟
پیپلز پارٹی کی رکن اسمبلی نگہت اورکزئی کی صوبائی وزیر انور زیب کے ساتھ ہاتھا پائی ہوئی جس پر وزیراعلیٰ محمود خان نے بیچ بچاؤ کرانے کی کوشش کی جب کہ نگہت اورکزئی تلخ کلامی کے دوران بے ہوش بھی ہوگئیں تھیں۔