ماں باپ بننا ایک خوبصورت احساس تو ہے ہی لیکن ساتھ ہی بچے کی آمد کا سن کر اکثر جوڑوں کو اس بات کی فکر بھی لگ جاتی ہے کہ جلد سے جلد یہ جان لیں کہ آنے والا بچہ لڑکا ہے یا لڑکی۔ اس بات کو جاننے کا مقصد یہ ہوتا ہے کہ بچے کی تیاری اس کے کپڑے اور کمرہ وغیرہ اس کی جنس کو مدنظر رکھتے ہوئے ہی سیٹ کریں۔ آج ہم آپ کو اس آرٹیکل میں چند ایسی نشانیاں بتائیں گے جس سے آپ اپنے ہونے والے بچے کی جنس کا اندازہ لگاسکتے ہیں۔

لڑکی کی پیدائش کی نشانیاں

طبی ماہرین اور ڈاکٹر اس حوالے سے بتاتے ہیں کہ جب کسی خاتون کے ہاں بیٹی کی پیدائش ہونے والی ہوتی ہے تو اس میں بہت زیادہ ہارمونل تبدیلیاں آتی ہیں جس کی وجہ سے الٹی، متلی اور دل گھبرانے کی شکایت بہت زیادہ ہونے لگتی ہے۔ اس کے علاوہ حاملہ خاتون کے کی جلد پر اضافی تیل آنے لگتا ہے اور ایکنی بھی ہوتی ہے۔ بال خشک اور بے جان محسوس ہونے لگتے ہیں اور یہ تمام تبدیلیاں صرف زنانہ ہارمونز کی زیادتی کی وجہ سے ہوتی ہیں۔

الٹراساؤنڈ کب کروا سکتے ہیں؟

ماہرین کا کہنا یہ بھی ہے کہ ہارمونز میں تبدیلی کی وجہ سے حاملہ خواتین میں موڈ سوئینگز اور چڑچڑا پن بھی بڑھ جاتا ہے البتہ جلد اور بال کے مسائل کسی اچھے ڈرمیٹالوجسٹ سے مل کر حل کیے جاسکتے ہیں۔ لڑکی کی نسبت اگر لڑکا پیدا ہونے والا ہو تو خواتین میں چڑچڑا پن اور جلد کے مسائل زیادہ نہیں ہوتے۔ اگر والدین چاہیں تو حمل کے 18، 19 ہفتے بعد ڈاکٹر کے مشورے سے الٹراساؤنڈ کروا کر بچے کی جنس معلوم بھی کرسکتے ہیں۔