سوشل میڈیا پر عامر لیاقت حسین اور ان کی تیسری اہلیہ دانیہ شاہ سے متعلق خبریں گذشتہ روز سے سوشل میڈیا پر زیرِ گردش ہیں۔
خبر اتنی وائرل ہوئی کہ جواب دینے کے لیے خود ہی دانیہ عامر میدان میں آئیں اور انہوں نے ویڈیو بیان کے ذریعے اس بات کی تردید کی۔
دانیہ عامر نے اپنے سوشل میڈیا اکاؤنٹ انسٹاگرام پر ایک خصوصی ویڈیو اپ لوڈ کی جس میں انہوں نے عامر لیاقت کے ساتھ علیحدگی کی خبروں پر خاموشی توڑی۔
دانیہ عامر نے ویڈیو بیان جاری کرتے ہوئے کہا کہ ہم دونوں ایک ہیں، ہمارے درمیان کوئی علیحدگی نہیں ہوئی ہے ، براہِ مہربان آپ یہ افواہیں پھیلانا بند کریں، شکریہ۔
اس سے قبل عامر لیاقت حسین نے بھی اس افواہ کے حوالے سے اسٹوری شئیر کی تھی کہ جس میں انہوں نے دانیہ عامر سے راہیں جدا ہونے کی جھوٹی پوسٹ پر بکواس کا لفظ استعمال کرتے ہوئے خبروں کو بے بنیاد قرار دیا تھا۔
خیال رہے ڈاکٹر عامر لیاقت حسین نے 18 سالہ دانیہ عامر کے ساتھ رواں برس 10 فروری کو شادی کی تھی۔