سابق وزیراعظم عمران خان کے گھڑی فروخت کرنے کا معاملہ ان دنوں زیرِ بحث ہے۔
اس حوالے سے فواد چوہدری کا بیان سامنے آیا ہے جس میں انہوں نے عمران خان کے گھڑی بیچنے کے وزیر اعظم شہباز شریف کے بیان پر ردّ عمل دیتے ہوئے کہا کہ اگر وزیراعظم نے حکومت سے خریدی گئی گھڑی باہر جا کر فروخت کردی تو اس میں کیا جرم ہے؟
فواد چوہدری نے وزیر اعظم کو کہا کہ وہ اُلجھن کا شکار کیوں ہو رہے ہیں، انہیں سمجھ نہیں آرہا کہ شہباز شریف کا الزام ہے کیا اور ان کو یہ بھی سمجھ نہیں آرہا کہ وہ عمران خان پر کیا الزام لگائیں۔
سابق وفاقی وزیر فواد چوہدری کا کہنا ہے کہ وہ عمران خان پر کیچڑ اُچھالنے کی کوشش نہ کریں۔ گھڑی 5 کروڑ کی ہو یا دس کروڑ کی میری چیز ہے میں نے بیچ دی تو اس پر کسی کو اعتراض نہیں ہونا چاہیئے۔
خیال رہے کہ وزیرِ اعظم میاں محمد شہباز شریف کا کہنا ہے کہ میں کنفرم کر سکتا ہوں کہ سابق وزیرِ اعظم عمران خان نے توشہ خانے سے تحائف لے کر بیرونِ ملک بیچے۔