پاکستان تحریک انصاف کے کراچی جلسے میں جہاں ہر شعبے سے تعلق رکھنے والے افراد نے شرکت کی وہیں بچوں بوڑھوں اور خاص کر اداکاروں کی جانب سے بھی شرکت کی گئی۔
عمران خان خطاب کر رہے تھے اور عوام ان کے خطاب پر جذباتی بھی ہو رہی تھی اور خوش بھی۔
لیکن اس سب میں ٹی وی پر نظر آنے والے ستارے بھی عوام کے درمیان تھے۔ ان ستاروں کو عوام میں دیکھ کر خود سوشل میڈیا بھی حیران تھا۔
اس تصویر میں مشہور اداکارہ سائرہ یوسف کو دیکھا جا سکتا ہے جو کہ جلسے میں شرکت کے لیے نہ صرف آئیں بلکہ میڈیا کو اس حوالے سے آگاہی بھی فراہم کر رہی ہیں۔
ایک اور تصویر میں اداکار فیروز خان کو دیکھا جا سکتا ہے جو کہ کھڑے ہو کر عوام کے جذبے کو تک رہے ہیں۔ فیروز سوشل میڈیا پر عمران خان کو سپورٹ کرتے دکھائی دیتے ہیں۔ جبکہ اس جلسے میں بھی وہ خوب تیاری کر کے آئے ہیں۔
دوسری جانب عوام کی جانب سے بھی جلسے میں بچوں سمیت شرکت کی گئی، کوئی اپنے بچے کو اٹھائے جلسے میں آیا تو کسی نے جلسے میں آنے کے لیے خوب تیاری کی۔