ترین گروپ کے مرکزی رہنما اور عمران خان کے قریبی ساتھی سمجھے جانے والے عون چوہدری کو شہباز حکومت کی جانب سے اہم ذمہ داری سونپ دی گئی۔
تفصیلات کے مطابق ترین گروپ کے رہنما عون چوہدری کو وزیراعظم کا مشیر لگانے کا فیصلہ کرلیا گیا ہے جس کی سمری کابینہ ڈویژن نے تیار کرلی ہے۔
کابینہ ڈیویژن کی جاری کردہ سمری کے مطابق وزیراعظم آئین کے آٹیکل 93 (1) کے تحت 5 مشیر تعینات کرنے کے مجاز ہیں۔
وزیرِ اعظم شہباز شریف کی ٹیم نے ن لیگ اور اتحادیوں پر مشتمل 34 رکنی کابینہ نے حلف اٹھا لیا ہے۔ حلف اٹھانے والوں میں ن لیگ کے 14، پیپلز پارٹی کے 9، جے یو آئی کے 4، ایم کیو ایم کے 2 ارکان کے علاوہ ق لیگ اور جمہوری وطن پارٹی کے ارکان بھی شامل ہیں۔
خیال رہے حلف برداری کی تقریب میں قمر زمان کائرہ، عون چوہدری، مفتاح اسماعیل اور انجینئر امیر مقام نے مشیر کی حیثیت سے آج حلف اُٹھایا ہے۔
یہ یاد رہے کہ عون چوہدری پاکستان کی معروف شخصیت نور بخاری کے خاوند ہیں۔