ٹریفک حادثات کی شرح دن بہ دن ملک بھر میں بڑھتی جا رہی ہے۔ جس کی ایک بڑی وجہ تیز رفتاری ہے۔ آج صبح 6 بج کر 10 منٹ پر ایم تھری موٹروے پر ایک خطرناک حادثہ پیش آیا جہاں ایک تیز رفتار گاڑی سڑک پر کھڑے ٹرک سے ٹکرا گئی جس کے نتیجے میں 3 افراد جاں بحق ہوگئے۔
سٹی 42 نیوز کے مطابق گاڑی لاہور سے ملتان کی طرف جا رہی تھی، موٹروے سنسان تھی، دور دور تک کوئی نہ تھا، لیکن صرف ایک خراب ٹرک موٹروے پر کھڑا ہوا تھا۔ گاڑی کی رفتار بھی تیز تھی اور اچانک بریک فیل ہوگئے جس کی وجہ سے یہ حادثہ پیش آیا۔
حادثے میں جاں بحق ہونے والوں میں شاعر سید حیدر رضوی، یاسر جعفری اور انکا شاگرد عدنان جعفری اپنے مالک حقیقی سے جا ملے۔ شاعر حیدر رضوی کے انتقال کی خبر فیس بُک پر تیزی سے شیئر کی جا رہی ہے۔ ان کے چاہنے والے ان کی مغفرت کی دعائیں کر رہے ہیں۔