گذشہ روز دنیا کے پاک اور مقدس ترین مقام پر جو واقعہ پیش آیا اسے دیکھ کر بہت سے لوگوں نے دکھ کا اظہار کیا ہے۔
اس حوالے سے مریم اورنگزیب کا رد عمل سامنے آیا ہے۔ انہوں نے کہا کہ جو واقعہ آج یہاں پیش آیا وہ آپ سب نے دیکھا۔ مجھے اس دوران غصہ نہیں آیا، کیونکہ میں نے درود شریف پڑھتے ہوئے ان تمام لوگوں کے لیے ہدایت کی دعا کی۔
انہوں نے عمران خان کا نام نہ لیتے ہوئے یہ بھی کہا کہ میں اس شخص کا نام اس پاک زمین پر نہیں لوں گی، انہوں نے معاشرے کی تباہی کی۔
مریم اورنگزیب نے کہا کہ یہاں لوگ حاضری کے لیے آتے ہیں اور جن لوگوں نے آوازیں کسیں میں نے وہاں بھی اللہ کو حاضر ناظر رکھ کر ان لوگوں کے لیے ہدایت کی دعا کی۔
توشہ خانہ کے معاملے پر مریم اورنگزیب نے کہا میں مدینہ کی زمین کو سیاسی مقاصد کے لیے استعمال نہیں کروں گی۔
ان کا کہنا تھا کہ میں ان سب باتوں کا جواب پاکستان جا کر دوں گی۔
مزید انہوں نے کیا کہا دیکھیئے اس ویڈیو میں۔