آج کے دور میں بجلی کے بغیر کوئی بھی کام کرنا نا ممکن ہے۔ دنیا کا ہرملک بجلی پیدا کر رہا ہے لیکن آج ہم بجلی پیدا کرنے کے غیر معمولی طریقے بتائیں گے جن کے استعمال سے آپ کی زندگی میں سکون آجائے گا۔

پاکستان کے ہر شہر میں بجلی کی بندش کا عمل تیزی سے جاری ہے اور گاؤں میں بھی بجلی اکثر میسر نہیں ہوتی۔ تو ایسے میں شہری کیا کریں جس سے بغیر بجلی کے اپنے کام نپٹا لیں۔

1- ہیومن ویسٹ پلانٹ

ڈائپر کا استعمال دنیا کے ہر ممالک میں ہوتا ہے۔ لیکن کی آپ سوچ سکتے ہیں کہ اس ڈائپر سے بجلی بھی پیدا کی جا سکتی ہے۔ یقینا آپ حیران ہوگئے ہوں گے۔ جی ہاں جاپان جیسے ترقی یافتہ ملک میں کام کرنے والی ایک کمپنی نے ڈائپر کو اپنے فائدے کے لیے استعمال کرنا شروع کر دیا ہے۔ انہوں نے ایک ایسی مشین پیدا کی ہے جو ڈائپر سے بجلی پیدا کر سکتی ہے۔ اس کا نام ایس ایف ڈی مشین ہے۔ اس کے اندر استعمال ہونے والے ڈائپرز ڈال دیئےجاتے ہیں۔ یہ مشین ان ڈائپرز کو شیڈ کرتی ہے اور انہیں خشک کرکے صاف کر دیتی ہے پھر اس کے مواد سے فیول پیلیٹس بنائے جاتے ہیں۔ ان پیلٹس کو بجلی پیدا کرنے کے لیے استعمال کیا جاتا ہے۔

2- اسپیڈ ریمپس

اسپیڈ ریمپس کار ٹرانسپورٹ کا بڑا ذریعہ ہے۔آج ہر گھر میں گاڑی موجود ہے۔ یہ بات اکثر لوگ جانتے ہیں کہ جب گاڑی بریک لگا کر دوبارہ اسٹارٹ ہوتی ہے تو اس سے توانائی خرج ہوتی ہے لیکن کیا آپ جانتے ہیں کہ اس سے بجلی پیدا کی جا سکتی ہے۔ اسے کائنیٹک روڈ ریمپ کہا جاتا ہے۔ یہ ایک اسپیڈ بریکر کی طرح ہوتا ہے جو گاڑیوں سے خارج ہونے والی اضافی توانائی کو اسٹور کر لیتا ہے۔ بعد میں اس توانائی کو بجلی پیدا کرنے کے لیے استعمال کیا جاتا ہے۔

3- پیاز سے بجلی پیدا کریں

جب پیاز کو نچوڑا جاتا ہے تو ان کے رس کو میتھین گیس میں تبدیل کر کے بجلی بنانے کے لیے استعمال کیا جا سکتا ہے۔ یہ عمل مختلف ممالک میں پہلے ہی کیا جا رہا ہے، اور کیلیفورنیا کی کم از کم ایک کمپنی تو لازمی اس تکنیک کو لاگو کر کے بجلی کے بلوں میں نصف ملین ڈالر سے زائد محفوظ کر رہی ہے۔