ملک میں تیزی سے بڑھتی مہنگائی نے شہریوں کی زندگی اجیرن بنا دی ہے۔ گذشتہ روز پیٹرول کی قیمتوں میں اضافے افواہ پھیلی جس کے بعد عوام کی بڑی تعداد نے پیٹرول پمپس کا رخ کیا جس سے دیگر لوگوں کو بھی پریشانی کا سامنا ہوا۔
ایسے مشکل وقت میں کچھ نیک بندے بھی سوشل میڈیا پر مسیحا بن کر سامنے آئے جنہوں نے اپنی پوسٹ میں لوگوں کی مدد کرنے کا بیڑا اُٹھایا۔
گذشتہ روز سے اب تک ایک دلچسپ پوسٹ سوشل میڈیا پر وائرل ہو رہی ہے جس نے اپنی تصویر اپ لوڈ کیئے بغیر ایک پوسٹ لکھی جس پر اس شخص کو سراہا جا رہا ہے۔
مدد کرنے والے مذکورہ شہری نے اپنی پوسٹ میں لکھا کہ بھائی میں طارق روڈ میں واقع ڈالمن مال میں ملازمت کرتا ہوں۔ میرا روٹ کھارادر، طارق روڈ ہے۔ میری نوکری کی شفٹ صبح 12 بجے سے رات بجے تک ہے۔
صارف نے لکھا کہ اگر کسی بھائی کو میرے ساتھ آنا جانا کرنا ہے تو وہ میرے ساتھ مفت میں جا سکتا ہے۔ پک اینڈ ڈراپ بالکل مفت ہے۔ سی ڈی 70 موٹر بائیک۔
آخر میں شہری نے لکھا کہ اکیلا جاؤں تو بھی اتنا ہی فیول لگتا ہے کوئی ساتھ آجائے گا تو دعا ہی مل جائے گی۔
اس شخص کا نام اور موبائل نمبر کیا ہے اس حوالے سے معلوم نہیں ہوسکا البتہ اس نے آنے جانے والے لوگوں کے لیے مدد کا ہاتھ آگے بڑھا دیا۔
آج پیٹرول اور ڈیزل کی قیمت